Yn TGP Cymru rydym yn ymfalch\u00efo yn ein gallu i ddarparu addysg sydd wedi\u2019i deilwra\u2019n benodol i\u2019r safbwynt Cymreig ar hawliau plant, eiriolaeth a meysydd cysylltiedig. Mae ein swyddogaeth hyfforddiant wedi datblygu’n sylweddol dros y blynyddoedd diwethaf ac rydym bellach yn gallu cynnig cyrsiau anffurfiol a chyrsiau achrededig sy\u2019n cael eu datblygu a\u2019u cyflwyno gan hyfforddwyr profiadol i fodloni eich gofynion penodol.<\/p>\n
Mae ein cyrsiau yn defnyddio dysgu cyfunol i sicrhau y darperir ar gyfer yr holl arddulliau dysgu gan ymgorffori gwaith gr\u0175p, myfyrio unigol, sesiynau tiwtorial, llyfrau gwaith a nifer o ddulliau eraill fel y bo\u2019n briodol. Ein nod yw darparu hyfforddiant mewn dull anffurfiol, hamddenol heb symud y ffocws oddi ar ddeilliannau dysgu\u2019r cwrs.<\/p>\n
Mae ein holl gyrsiau achrededig yn cael eu cyflwyno gan ddefnyddio ein system e-bortffolio \u2018Cynorthwyydd Dysgu\u2019 sy\u2019n lleihau\u2019r defnydd o adnoddau papur ac yn lleihau\u2019r angen i ddysgwyr a thiwtoriaid\/aseswyr deithio yn fawr, gan gadw\u2019r costau\u2019n isel ar gyfer y cwsmer. Drwy ddefnyddio\u2019r \u2018Cynorthwyydd Dysgu\u2019, gall dysgwyr dderbyn adborth a chymeradwyaeth ar eu gwaith ar unwaith a gall rheolwyr dderbyn diweddariadau rheolaidd ar gynnydd. Gan weithio gyda\u2019r Tiwtor\/Asesydd, gall y rheolwr a\u2019r dysgwr gynnal cymhelliant a sicrhau bod cymorth ac arweiniad priodol ar gael ar bob lefel.<\/p>\n