Cydlynydd RAFGM

Mae TGP Cymru yn elusen sy’n gweithredu yng Nghymru ac yn gweithio gyda phlant, pobl ifanc a theuluoedd; mae wedi bod yn darparu gwasanaethau ledled Cymru ers 24 mlynedd.

Mae’r gwasanaeth Dulliau Adferol a Chyfarfodydd Grŵp Teuluol (RAFGM) ar gyfer teuluoedd sy’n profi gwrthdaro o fewn y teulu ac sydd angen cymorth i ddod o hyd i atebion. Mae’r gwasanaeth yn helpu teuluoedd i oresgyn anawsterau drwy feithrin, cynnal ac, lle bo angen, atgyweirio perthnasoedd. Anogir aelodau’r teulu i nodi eu cryfderau, eu sgiliau a’u hadnoddau er mwyn gwneud newidiadau cadarnhaol.

Rydym yn ceisio recriwtio Cydlynydd RAFGM a fydd yn cyflwyno Dulliau Adferol / Cyfarfodydd Grŵp Teuluol yn unol â pholisïau a gweithdrefnau TGP Cymru, gan sicrhau bod y sefydliad yn cydymffurfio â rheoliadau a chytundebau.

Bydd deiliad y swydd yn gallu dangos dealltwriaeth o’r canlynol:

Gweithio gyda’r teulu cyfan – plant, pobl ifanc a theuluoedd – mewn sefyllfaoedd cymhleth, gan gynnwys diogelu
Cyfarfodydd Grŵp Teuluol / Cynadleddau, Ymarfer Adferol, Datrys Gwrthdaro
Hwyluso grwpiau / cyfarfodydd cymhleth
Defnyddio llwyfannau cyfarfod rhithwir ar-lein

Rydym yn chwilio am Gydlynwyr achlysurol i gwmpasu awdurdodau lleol Pen-y-bont ar Ogwr, Castell-nedd Port Talbot, Rhondda Cynon Taf a Sir Benfro.

Mae gwaith achlysurol yn cyfeirio at gyflogaeth hyblyg heb oriau gwarantedig. Cynigir oriau achlysurol yn unol ag anghenion y prosiect.

Croesewir ceisiadau gan bob rhan o’r gymuned waeth beth fo’u hoedran, anabledd neu darddiad hiliol. Mae TGP Cymru yn croesawu ceisiadau gan siaradwyr Cymraeg.

Am ragor o fanylion ac i gael sgwrs anffurfiol, cysylltwch â Melanie Thomas-Wilcox ar 07951 557230 neu anfonwch e-bost at [email protected]

Mae ffurflen gais a disgrifiad swydd ar gael i’w lawrlwytho isod.

I wneud cais yn ffurfiol, dychwelwch ffurflen gais wedi’i chwblhau i [email protected] erbyn y dyddiad cau.

(Dim ond CVs sy’n dod gyda ffurflen gais wedi’i chwblhau y gallwn eu derbyn).

Sylwch fod TGP Cymru fel arfer yn penodi ar ddechrau’r raddfa gyflog.