Eiriolaeth Gorllewin a Chanolbarth Cymru

Sut allwn ni helpu?

Pa wasanaethau sydd gennym i’w cynnig

Eiriolaeth, Grwpiau Cyfranogiad, Ymweliadau Annibynnol.

Eiriolaeth

Rydym yn cynnig Gwasanaethau Eiriolaeth Proffesiynol i blant a phobl ifanc sy’n byw yn Sir Gaerfyrddin, Ceredigion, Sir Benfro a Phowys.

Rydym hefyd yn darparu eiriolaeth i blant a phobl ifanc rhwng 0 a 18 mlwydd oed sydd am fynegi pryder neu wneud cwyn mewn perthynas â gwasanaeth y GIG.

Beth yw Eiriolaeth?

Mae eiriolaeth yn golygu cael rhywun i wrando arnoch chi. Gall eich helpu i ddweud beth rydych chi’n ei feddwl a sut rydych chi’n teimlo wrth y bobl sy’n gwneud penderfyniadau am eich bywyd.

Gall eiriolaeth eich helpu i:

• gael dweud eich dweud
• gwybod a deall eich hawliau
• cymryd rhan mewn cyfarfodydd ac adolygiadau
• datrys pethau gyda’ch gweithiwr cymdeithasol neu’ch gofalwr
• cwyno.

Mae ein gwasanaeth eiriolaeth yn annibynnol – nid ydym yn rhan o’r Gwasanaethau Cymdeithasol.

Ein meini prawf (dyma’r rhan ffurfiol):

• Plentyn Mewn Gofal
• Plentyn sydd Angen Gofal a Chymorth o dan Ddeddf Gwasanaethau Cymdeithasol a Llesiant (Cymru) 2014
• Plant a Phobl Ifanc sy’n Gadael Gofal – hyd at 21 mlwydd oed (25 mlwydd oed os ydynt mewn addysg bellach)
• Plant a Phobl Ifanc sy’n gwneud sylw neu’n gwneud cwyn ynghylch gwasanaethau’r GIG

Sut allaf i gysylltu?

Yr ydym yn gyfeillgar a hawdd siarad â ni, ffoniwch ni ar y rhif isod.

Mae gennym ffurflenni atgyfeirio hawdd i’w defnyddio ar gyfer rhieni/gofalwyr a gweithwyr proffesiynol ac rydym yn derbyn atgyfeiriadau dros y ffôn hefyd.

Plant a phobl ifanc – gallwch ffonio’r rhif ffôn rhad ac am ddim (isod) a gofyn am eiriolwr – mae mor hawdd â hynny – dim angen unrhyw ffurflenni!

Ymweliadau Annibynnol

Hefyd mae gennym Wasanaeth Ymweld Annibynnol i blant a phobl ifanc sydd mewn gofal ac nad ydynt mewn unrhyw gysylltiad gyda’u teulu, neu sydd mewn cysylltiad cyfyngedig â’u teulu. Am fwy o wybodaeth cysylltwch â’n Cydlynydd Ymweliadau Annibynnol ar rif ffôn y swyddfa isod a gweld ein llenyddiaeth yma.

Grwpiau Cyfranogiad

Rydym yn cynnig rhedeg tri grŵp cyfranogiad ar ddiogelu – Eat Carrots be Safe from Elephants ym Mhowys, Sêr Saff yng Ngheredigion a CADW sydd yn Fwrdd Diogelu Plant Iau rhanbarthol sy’n cwmpasu siroedd Caerfyrddin, Ceredigion, Sir Benfro a Phowys.

Mae’r holl grwpiau’n agored i bobl ifanc 11 mlwydd oed a throsodd. Mae’r grwpiau’n cyfarfod tair neu pedair gwaith y flwyddyn i siarad am bynciau diogelu sy’n bwysig iddyn nhw ac maen nhw’n rhannu’r wybodaeth hon gyda phobl fel y Gwasanaethau Cymdeithasol a’r Heddlu er mwyn helpu i lywio eu gwaith.

Nid cyfarfod a siarad yn unig mae’r grwpiau. Maen nhw hefyd yn trefnu ac yn cymryd rhan mewn gweithgareddau gwych, gan gynnwys penwythnosau preswyl, gwneud DVDs a rapiau!

Gallwch weld DVD gwrth-fwlio Sêr Saff yma >

Gwrando ar rap CADW isod:

---

Cyfeiriad Prosiect

Byngalo Min-y-Môr, Gerddi Wellington, Aberaeron, Ceredigion, SA46 OBQ

---

Ffyrdd o gysylltu â ni

Rhif ffôn (Aberaeron): 01545 571865
Rhif ffôn (Llanfair ym Muallt): 01982 552 450
E-bost: midandwestwales@trosgynnalplant.org.uk
Rhif rhadffôn: 0800 085 8471

---

Pwy sydd yn ein tîm

Beth rydyn ni’n ei wneud

• Gwasanaeth Eiriolaeth Gogledd Cymru
• Dulliau Adferol Gwasanaeth Cyn-filwyr a Theuluoedd
• Prof Swyddfa TGP Cymru
• Gwasanaeth Eiriolaeth Bae y Gorllewin
• Eiriolaeth Gorllewin a Chanolbarth Cymru
• Pasportau Cyfathrebu Gogledd Cymru
• Rhaglen Ffoaduriaid a Cheiswyr Lloches Ifanc

Newyddion diweddaraf

• Rap Diogelu TGP Cymru
  20/02/2019
• Cynnal digwyddiad cyn-filwyr yn Stadiwm Dinas Caerdydd
  19/02/2019
• Clwb 100 TGP Cymru
  11/01/2019

Dilynwch ni

Tweets by TGPCymru