Team around the Tenancy

Weinyddwr Prosiect

Mae TGP Cymru yn elusen yng Nghymru sy’n gweithio gyda phlant, pobl ifanc a theuluoedd ac mae wedi bod yn darparu gwasanaethau ledled Cymru ers 24 mlynedd.

Mae Gwasanaeth y Tîm o Amgylch y Tenantiaeth yn cefnogi pobl ifanc 16 i 25 oed yng Ngogledd Cymru sydd wedi profi digartrefedd neu sydd mewn perygl o fod yn ddigartref, i wneud newidiadau cadarnhaol parhaol yn eu bywydau. Mae’r gwasanaeth yn helpu pobl ifanc i oresgyn yr anawsterau maen nhw’n eu profi a’u helpu i aros yn eu cartref a/neu sicrhau lle i’w alw’n gartref.

Rydym yn chwilio am Weinyddwr Prosiect TAtT am 10 awr yr wythnos gyda dull hyblyg o weithio drwy gydol yr wythnos. Byddwch yn cefnogi gwasanaeth y Tîm o Amgylch y Tenantiaeth gyda thasgau gweinyddol yn unol â pholisïau a gweithdrefnau TGP Cymru gan sicrhau cydymffurfiaeth reoleiddiol a chytundebol y sefydliad.

Noder mai rôl dros dro yw hon gyda chyllid cyfredol tan 31 Mawrth 2027

Bydd deiliad y swydd yn gallu:

• Cynhyrchu canlyniadau o safon mewn modd sy’n canolbwyntio ar wasanaeth ac yn amserol ac wedi ymrwymo i gyflawni canlyniadau y cytunwyd arnynt
• Gweithio’n dda gyda chydweithwyr a phartneriaid a chydnabod syniadau, safbwyntiau a chefndiroedd gwahanol eraill
• Cynllunio a threfnu gwaith a rheoli amser yn effeithiol
• Cyfathrebu’n effeithiol h.y. mynegi gwybodaeth a syniadau mewn modd clir, cryno a chywir; gwrando’n weithredol a sicrhau bod gwybodaeth yn cael ei rhannu.
• Bod yn agored i ddulliau a syniadau newydd, ymateb yn gadarnhaol i newid ac addasu’n gyflym i sefyllfaoedd newydd
• Chwilio am gyfleoedd ar gyfer dysgu parhaus a thwf proffesiynol.
• Defnyddio cynhyrchion Microsoft Office gan gynnwys Office 365

 

Bydd angen iddynt hefyd ddangos dealltwriaeth gadarn a chofnod o gyflawniad yn y canlynol:

• Gweinyddu o fewn amgylchedd swyddfa/ Profiad o ddefnyddio llwyfannau rhithwir.
• Defnyddio Office 365
• Gweithredu systemau ariannol gan gynnwys monitro a rheoli cyllideb
• Delio ag aelodau’r cyhoedd ac asiantaethau eraill

Croesewir ceisiadau gan bob rhan o’r gymuned waeth beth fo’u hoedran, anabledd neu darddiad hiliol. Mae TGP Cymru yn croesawu ceisiadau gan siaradwyr Cymraeg.

Am fwy o fanylion neu i drefnu trafodaeth anffurfiol, cysylltwch â Rheolwr y Tîm Kate White drwy e-bost yn [email protected] neu e-bostiwch [email protected]

Mae ffurflen gais a disgrifiad swydd ar gael drwy glicio ar y dolenni isod.

I wneud cais ffurfiol, dychwelwch ffurflen gais wedi’i chwblhau i [email protected]

(Dim ond CVs gyda ffurflen gais wedi’i chwblhau y gallwn eu derbyn).

Noder bod TGP Cymru fel arfer yn penodi ar ddechrau’r raddfa gyflogau.

 

 

Llawrlwythiadau y swydd wag

• Swydd Ddisgrifiad
• Ffurflen gais

Yn ôl i bob swydd