• Lleisiau Ifanc

    Sut allwn ni helpu?

    Rydym yn cynnig Eiriolaeth Proffesiynol Annibynnol i blant a phobl ifanc sy’n byw yng ngogledd Cymru nad ydynt yn derbyn cymorth gan y gwasanaethau cymdeithasol neu CAMHS.

    Beth yw eiriolaeth?

    Nod eiriolaeth yw grymuso pobl ifanc sy’n agored i niwed drwy roi llais iddynt rannu eu meddyliau a’u teimladau, gan sicrhau eu bod yn cael eu clywed. Trwy roi gwybod iddynt am eu hawliau a darparu ffordd o gyfathrebu, mae’n rhoi mwy o lais iddynt mewn penderfyniadau a all effeithio ar eu bywydau.

    Nod eiriolaeth yw cynorthwyo yn y meysydd canlynol:

    • Codi llais pobl ifanc
    • Sicrhau bod pobl ifanc yn deall eu hawliau
    • Rhoi lle i bobl ifanc siarad yn agored
    • Gwella cyfathrebu rhwng person ifanc ac oedolion yn eu bywydau
    • Helpu pobl ifanc i gael y gwasanaethau sydd eu hangen arnynt
    • Caniatáu i bobl ifanc wneud cwyn

    Pwy sy’n gymwys?

    Mae’r maen prawf ar gyfer y gwasanaeth newydd hwn yn eang a bydd yn cynnwys pob person ifanc yng ngogledd Cymru, o oedran ysgol uwchradd (11-18 oed), nad yw’n gymwys ar hyn o bryd i gael gwasanaethau eiriolaeth statudol neu sy’n derbyn gwasanaeth gan CAMHS. Byddai materion yn cynnwys, ond heb fod yn gyfyngedig i bobl ifanc sy’n dioddef o orbryder, hwyliau isel ac iselder, trafferthion o ran presenoldeb yn yr ysgol, bwlio neu’n dioddef oherwydd methiant teulu neu brofedigaeth.

    Mae angen bod mater neu faterion clir i’r eiriolwr eu helpu gyda nhw, sydd â chanlyniadau diriaethol neu ddiweddbwynt y cytunwyd arno. Bydd y mater neu’r materion hyn yn cael eu diffinio gan y plentyn neu’r person ifanc eu hunain, ac ni fyddwn yn cefnogi materion y bernir eu bod yn rhai rhieni/gofalwyr neu weithwyr proffesiynol ym mywyd y plentyn neu’r person ifanc.

    Sut ydw i’n cysylltu?

    Gall pobl ifanc gyfeirio eu hunain yn uniongyrchol naill ai drwy’r manylion cyswllt ar ein tudalen we ar gyfer pobl ifanc, drwy neges destun, ffôn neu e-bost.

    Ffyrdd o gysylltu â ni

    Ffyrdd o gysylltu

    E-bost: [email protected]

    Ffôn / Testun / WhatsApp: 07961398534

    01286 238007

    Pwy sydd yn ein tîm

    Alice Ghazzali
    Uwch Ymarferydd
    Nicola Jones
    Gweinyddwr